الفرق بين البنت الاسبور بقى والهاى لايف والبنت المتشردة الببيئة:
ازاى فى رايكو ممكن تكون البنت الناعمة والبنت المتشردة:
الاسبور بقى
طبعا هذه البنت وهى نايمة فى الاوضه بتاعتها الدبدوب والارنوب كلهم فى احضانها ولو قامت من النوم تقوم الساعة واحدة الظهر اول ما تصحى من النوم تفتح الستارة والشباك علشان الاوضه تتنفس وتشغل موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط الكريمات والميكياج .. لازم تحافظ على البشرة ..والجليتورعلى ايديها خلصت من المراية وتتجه الى السشوار وبعدين تلبس البنطلون الجينز والبلوزة .. وتنزل تاكل الفطار اللى يكون عبارة عن عصير برتقال وكورنفلكس وحاجات خفيفة نضيفه طبعا...
اللى مش اسبوور:
تقوم الساعة 8 الصبح وهى مش عايزه تقوم اساسا تقوم وتدخل امها عليها بالغرفة وتصرخ وتقول قومي قامت عليكى حيطةقومى يابت كفاية نوم ترد المضروبة على امها .. طيب طيب هقوم اهو وتقعد تتاوب ويطلع من بوقها نار .. بالاضافة الى انها وهى نايمة كل دقيقة توقع من على السرير .. وبعدين يدخل اخوها الصغيرويرميها بجزمة فى دماغها ويصرخ كفاية نوم .. ترد عليه : اطلع من الاوضه والا هرميك من الشباك .. المهم اخوها اللى اكبر منها يروح لها الاوضه يرفسها وبعد الرفسة العنيفة دى تصحى من النوم .
البنت الناعمة:
ما تتغدا الا الساعة 4 ولا 5 وتتغدى عيش او ( توست ) دايت او بيض مسلوق وسلطة تحافظ على رشاقتها
اللى مش اسبوور:
تتغدا الساعة 12 بالضبط وما تتغداش غير كرشه وكوارع ولحم او فراخ واذ خلصت تشرب البيبسى شفطة واحدة
والعشا مش بيتعشو اساسا لان مش عندهم أكل
البنت الناعمة:
ما تطلعش إلا بليل كده عشان تحافظ على البشرة من ضوء الشمس
اللى مش اسبوور:
تطلع الساعة 2 عزّ الظهر وتروح مشي لبيت قرايبها لحد لما تبقى فحمه من الشمس
البنت الناعمة:
لو عايزه تضحك تقول ( هههههههههه) واديها على بوقها من الخجل والضحكة من الصعب انك تسمعها
اللى مش اسبوور:
ها ها ها ها .. والحارة الثانية والعيلة بالليل والمنطقة كلها تسمعها
البنت الناعمة:
اذا تحب تسمع اغانى متسمعشى عربى بتسمع لريكى مارتن طبعا لانه حلو وممثلها المفضل توم كروز لانه امور وميل جبسون وجيم كارى لخفة دمهم
اللى مش اسبوور:
ممثلها المفضل توفيق الذقن ومحمود المليجي وبتسمعش غير شعبان عبد الرحيم.
البنت الناعمة:
لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه
اللى مش اسبوور:
تتبطح على الارض وتحط رأسها على المخدة وتمد رجليها وتحطها على التلفزيون ولو تغير القناة بتخبط التلفزيون بصباع رجلها اللي مش قاصّة ضافرها من العيد الصغير.
البنت الناعمة:
فى نهاية الموضوع تقول تشاو .. او سى يو .. او بباى
اما اللى مش اسبور:
جاى جاى ياعيال .
يارب تعجبكم مواضيعى........
الأربعاء يناير 21 2009, 09:26